Diferenzas entre revisións de "TwinSpace"

Revisión como estaba o 28 de agosto de 2019 ás 18:17

Introdución

A plataforma eTwinning organízase en tres niveis distintos, de forma case idéntica a un centro escolar. Este tres niveis caracterízanse polas ferramentas e polas posibilidades que ofrecen, así como polo tipo de acceso e privacidade. De forma esquemática, son:

• Os portais nacional e europeo www.etwinning.es e www.etwinning.net. Son de acceso público, como o edificio dun centro. Calquera pode entrar e ver a información que proporcionan. Neles, podemos consultar datos de participación, noticias, proxectos destacados, axuda e contacto.
• eTwinning Live live.etwinning.net: a sala de profes de eTwinning. Un espazo de acceso privado, no que só hai docentes. É o lugar onde podemos contactar e coñecer outros colegas, participar en actividades de desenvolvemento profesional e intercambiar ideas. Terás acceso a el en canto te rexistres en eTwinning.
• TwinSpace twinspace.etwinning.net: é a aula virtual onde docentes e estudantes se reúnen para traballar nun proxecto concreto (compartir información, desenvolver actividades conxuntas e finalmente, publicar os resultados). Créase un TwinSpace para cada proxecto existente, así que non poderás acceder a el até rexistrares o primeiro proxecto. É unha contorna segura de acceso restrinxido: só poden entrar aquelas persoas (profes, estudantes, visitantes) convidadas directamente polo profesorado e só se van mostrar os contidos que decidan publicar.

A continuación, presentamos unha serie de tutoriais breves sobre moitas das funcionalidades e ferramentas do TwinSpace. Podes lelos todos ou acudir a eles conforme os precisares. Tamén tes á túa disposición todos os artigos publicados polo Servizo Nacional de Apoio sobre o TwinSpace.

Páxina de inicio do Twinspace

A páxina inicial do Twinspace contén información e actualizacións do proxecto, que se van rexistrando automaticamente.

Na parte superior atopamos, de esquerda a dereita, unha icona que nos permite o acceso directo a outras seccións de eTwinning e un botón despregable para cambiar o idioma. (Figura 1)

Desde esta páxina de inicio é posible acceder a unha serie de accións que estudiaremos noutros apartados máis adiante: (Figura 2)

• Sección de axuda.
• Xestión do perfil no Twinspace.
• Xestión de páxinas.
• Xestión de materiais: imaxes, vídeos e documentos.
• Xestión de foros.
• Xestión de reunións en liña.
• Xestión de membros.

Agora, imos prestar atención, de arriba abaixo na imaxe, ás seguintes funcións: (Figura 3)

• Personalizar o Twinspace.
• Publicar no Taboleiro de docentes.
• Ver os membros en liña e acceder á mensaxería instantánea.
• Publicar, dar "gústame" ou comentar en Últimas novidades, o Diario de proxecto.
• Entrar á sala de chat.
• Organizar unha reunión en liña.
• Abrir un debate no foro.

Axuda

Na sección de Axuda atoparemos información moi útil sobre as distintas seccións do Twinspace.

Aquí tamén están recollidas instrucións sobre o uso adecuado de imaxes, protección de datos, especificacións técnicas e de seguridade.

Perfil no Twinspace

Páxinas

Materiais: imaxes, vídeos e documentos

Foros

Reunións en liña

Uso do chat

Membros

Personalizar o Twinspace

Tablón de docentes

Twinmail

Mensaxería instantánea

Notificacións

Últimas novidades

Máis información

Fontes

• Embaixada eTwinning Galicia
• Servizo Nacional de Apoio eTwinning España - INTEF
• Servizo Central de Apoio eTwinning

Licenza

Por Marcos Vence Ruibal e Carmen Fernández Vázquez (Embaixada eTwinning Galicia) a partir dunha obra de Javier Ramos Sancha e Julián Sánz Mamolar (INTEF).

Creative Commons Recoñecemento Non-comercial Compartir igual 4.0